Rapparinn Floni er kominn með sinn eigin orkudrykk. Hann hef­ur nú þróað nýja bragðteg­und af orku­drykk sem ber nafnið Eng­ill. Eng­ill vís­ar þar í lag af vænt­an­legri plötu lista­manns­ins, Floni 3. Plat­an er sú fyrsta síðan árið 2019. Um er að ræða nýja bragðteg­und af Orku sem þróuð var í sam­starfi við tón­list­ar­mann­inn vin­sæla. Drykk­ur­inn er kom­inn í versl­an­ir og er með sítr­ónu- og límónu­bragði. Flóni seg­ir það hafi legið bein­ast við.

„Ég hef elskað límónu­bragð al­veg frá því ég man eft­ir mér. Þess vegna byrjaði ég þar og svo gerðum við lag­fær­ing­ar á upp­skrift­inni þar til mér fannst drykk­ur­inn orðinn eins og ég vildi hafa hann,“ seg­ir í frétta­til­kynn­ingu.

Von er á nýrri plötu frá rapp­ar­an­um vin­sæla.

Hluti af menn­ingu ungs fólks

Floni er fyrsti tón­list­armaður­inn sem tek­ur þátt í gerð nýrr­ar bragðteg­und­ar fyr­ir Orku, en mynd­listar­fólk hef­ur hannað umbúðirn­ar fyr­ir eldri bragðteg­und­ir. Jó­hann­es Páll Sig­urðar­son, vörumerkja­stjóri Orku, seg­ir að þar á bæ hafi fólk verið spennt fyr­ir því að prófa nýja hluti og að Floni hafi verið eðli­legt skref í ferl­inu.

„Orka vill vera hluti af menn­ingu ungs fólks og vett­vang­ur fyr­ir list­sköp­un og tján­ingu. Floni er því hinn full­komni listamaður til að vera í for­svari fyr­ir nýja bragðteg­und. Hann er virki­lega skap­andi og er full­ur af hug­mynd­um. Bæði hvað varðar út­lit og út­færsl­ur en líka fyr­ir bragðið af drykkn­um sjálf­um.“

Floni elskar límónubragð.

Ölgerðin hefur skrifað undir viljayfirlýsingu við Reykjavíkurborg um að reisa vöru- og dreifingarmiðstöð á Hólmsheiði, auk þess að reisa vatnsátöppunarverksmiðju fyrir Iceland Spring. Nýja vöruhúsið og dreifingarmiðstöðin mun auka mjög skilvirkni í rekstri fyrirtækisins, enda hefur vöxtur fyrirtækisins um nokkurt skeið kallað á frekari uppbyggingu hvað þetta varðar. Þá mun nýtt húsnæði gera okkur kleift að setja upp nýjar framleiðslulínur í núverandi vöruhúsi.
 
Þá mun Ölgerðin jafnframt reisa vatnsátöppunarverksmiðju fyrir Iceland Spring á Hólmsheiði, en úflutningur vatns til fjölmargra landa hefur vaxið jafnt og þétt undanfarin ár.
 
„Við þurfum ekki að sækja vatnið yfir lækinn, í bókstaflegri merkingu, því vatnslind Iceland Spring er einmitt hér á þessu svæði og því stutt að sækja það áður en það heldur í langferðir á erlenda markaði.  Hróður íslenska vatnsins berst æ víðar undir merkjum Iceland Spring og sala þess eykst jafnt og þétt í sífellt fleiri löndum, þökk sé m.a. gæðum vatnsins hér“,  segir Andri Þór Guðmundsson, forstjóri Ölgerðarinnar.
 
Deiliskipulag fyrir svæðið verður auglýst í október og standa vonir til að hægt verði að hefja framkvæmdir fljótlega eftir að því ferli lýkur.

Andri Þór Guðmundsson, forstjóri Ölgerðarinnar og Einar Þorsteinsson, borgarstjóri, handsala samninginn um uppbyggingu á Hólmsheiði.

Ný bragðtegund af Kristal er nú komin í verslanir um allt land: Kristall með jarðarberja- og drekaávaxtabragði. Við erum ekki í vafa um að unnendur Kristals muni taka þessari nýju og frísklegu bragðtegund með bleika litnum vel.